Monday, April 21, 2008
ആദ്യത്തെ വെള്ളമടി !
പ്രീ ഡിഗ്രി ഒന്നാം വര്ഷം , ഒന്നാം ദിവസം വെള്ളമടി തുടങ്ങിയ എന്റെ കൂട്ടുകാര് കേള്ക്കാന് പറയുകയാ , ഞാന് ആദ്യമായി വെള്ളമടിച്ചത് 7 ആം ക്ലാസ്സ് ഇല് വച്ചാണ് (ഭയാനകവും ബീഭല്സവും ആയ കാര്യങ്ങള് വെട്ടി തുറന്നു , വെട്ടൊന്ന് മുറി രണ്ടു എന്ന രീതിയില് പറയുന്നതു ആണ് എന്റെ ഒരു രീതി ) കൃത്യമായ ഡേറ്റ് വരെ ഞാന് ഓര്ക്കുന്നുണ്ട് . 7 ആം ക്ലാസ്സിലെ ഓണപരീക്ഷയുടെ കണക്കിന്റെ മാര്ക്ക് അറിഞ്ഞ ദിവസം . അന്ന് വരെ കണക്കിന് 100 % മാര്ക്ക് മേടിച്ചിരുന്ന ആളാണ് ഞാന് . അതിന് ശേഷവും . പ്രീ ഡിഗ്രി വരെ അത് തുടര്ന്നു -- സത്യം ആയിട്ടും -- എന്നെ ഒന്നു വിശ്വസിക്കൂ പ്ലീസ് !! അമ്മ കണക്കു ടീച്ചര് ആയതിന്റെ ഒരു ദോഷം !!!! പക്ഷെ അന്ന് എനിക്ക് കിട്ടിയത് 50 ഇല് 38 മാര്ക്ക് . ചോദ്യ പേപ്പര് ഇന്റെ നാലാം പുറത്തില് 4 മാര്ക്കിന്റെ മൂന്നു ചോദ്യങ്ങള് ഉണ്ടായിരുന്ന വിവരം ഞാന് അറിഞ്ഞത് മാര്ക്ക് കിട്ടി കഴിഞ്ഞാണ് . മാര്ക്ക് കിട്ടിയ ഞാന് തകര്ന്നു പോയി . ഇതു എങ്ങിനെ വീട്ടില് പറയും ? ഓണവധിക്ക് നാട്ടില് വന്ന അച്ഛനും സ്ഥലത്തു ഉണ്ട് . അടിയുടെ പൂരം പൊടി അരി കഞ്ഞി തന്നെ .... കഷ്ടപ്പെട്ടു പാടു പെട്ടു വീട്ടില് എത്തി . അച്ഛനും അമ്മയും എവിടെയോ പോകാന് ഒരുങ്ങി ഇരിക്കുന്നു ... ചെയ്യ് , അര മണിക്കൂര് കഴിഞ്ഞു വന്നാല് മതി ആയിരുന്നു :-( എന്നെ കണ്ടതും അമ്മ ഒറ്റ ചോദ്യം -- "കണക്കിന്നു 50 മാര്ക്ക് ഇല്ലേ " കേന്ദ്ര സഹായം കിട്ടാത്തതിന്റെ കാര്യം പത്രക്കാരോട് പറയുന്ന അച്ചു മാമയെ പോലെ ഞാന് ബബബബ എന്തോ പറഞ്ഞു . അമ്മ എന്നോട് ഒന്നും പറഞ്ഞില്ല . നേരെ അച്ഛനോട് മോനേ വളര്ത്തണം എങ്കില് ഗള്ഫ് ഇലെ ജോലി രാജി വച്ചു വീട്ടില് വന്നിരിക്കാന് ഒരു suggestion . ജോലി പോകുമോ എന്ന പേടിയില് അച്ഛന് എനിക്കിട്ടു നാല് തെറി . എന്നിട്ട് രണ്ടു പേരും ബൈക്കില് കയറി ഒറ്റ പോക്ക് . നാല് അടി കിട്ടിയിരുന്നെന്കില് ഇത്രയും വിഷമം ആകില്ലായിരുന്നു !!! പ്രതികാരം ചെയ്തേ പറ്റൂ . പക്ഷെ എങ്ങിനെ .. ഒരു പിടിയും കിട്ടുന്നില്ല !!! അച്ഛന്റെ ചെരിപ്പ് കാട്ടില് എറിയുക , അമ്മയുടെ ചോറ്റു പാത്രം കിണറ്റില് ഇടുക , അനിയന്റെ പെന്സില് ഓടിച്ചു കളയുക , ഇതെല്ലം already പിടിക്കപ്പെട്ടു കഴിഞ്ഞതാണ് . അപ്പോഴാണ് അച്ഛന്റെ അലമാരിയില് ഇരിക്കുന്ന Johny Walker Red label ഇന്റെ കാര്യം ഓര്മ വന്നത് (പേരു ഞാന് പിന്നീട് പഠിച്ചതാ ) . ഹമ്പടാ ,, അത് തന്നെ !!! മനസ്സില് പ്രതികാരം തോന്നിയാല് പിന്നെ ചെയ്യുന്നത് എല്ലാം യാന്ത്രികം ആയിരിക്കും എല്ലോ !!! നേരെ പോയി അലമാര തുറന്നു , കുപ്പി തുറന്നു അന്നാക്കിലേക്ക് കമഴ്ത്തി .. ഇശ്വരാ...... വായിലൂടെ കുടലിലേക്ക് പഴുത്ത ഇരുമ്പു കമ്പി കൊണ്ടു കുത്തിയ ഒരു പ്രതീതി ... ഫ്രിഡ്ജ് തുറന്നു 2 ഐസ് കട്ട എടുത്തു വിഴുങ്ങി . പതുക്കെ കട്ടിലില് വന്നു കമന്നു കിടന്നു ,, അപ്പോള് തന്നെ ബോധം പോയി (ഒറ്റ പെഗ് ഇല് ! കഷ്ടം !) ഒരു മണിക്കൂര് കഴിഞ്ഞു ആണ് ഉണര്ന്നത് !!! ഭാഗ്യം ആരും എത്തിയിട്ടില്ല . ഓടി ചെന്നു ജോണി വാക്കര് ഇനെ പഴയ സ്ഥാനത്ത് പ്രതിഷ്ടിച്ചു. മനസ്സില് പ്രതികാരത്തിന്റെ കണിക പോലും ഇല്ല . വെള്ളമടിച്ചാല് എല്ലാവരും മനശുദ്ധി ഉള്ള നല്ല മനുഷ്യര് ആകും എന്ന പാഠം പഠിച്ചത് അന്നാണ് .. പിന്നീട് മനശുദ്ധി ഇല്ലാതെ 4 - 5 കൊല്ലം ജീവിച്ചു . ഇപ്പോള് നല്ല മനശുദ്ധിയാ
Subscribe to:
Post Comments (Atom)
3 comments:
veLLamadichchaal tension koodukayE ulloo enne kEttittunde..!
Rasaayitt vaayichchu maashe.
khaNDika thirichche ezhuthunnathe vaayana sukham kottum.
All the bests.
:-)
Upasana
നന്ദി യുണ്ട് മാഷേ !!! എനിക്ക് കിട്ടിയ ആദ്യത്തെ comment . Aggrigator ഇല് ഒന്നും എന്റെ ബ്ലോഗ് വരാത്തത് കാരണം ഈ ജന്മം ഒരു comment കിട്ടും എന്ന് വിചാരിച്ചതല്ല
"ഇപ്പോള് നല്ല മനശുദ്ധിയാ" hahaaaa :) അങ്ങനെ ഒരു പുണ്യാളനും കൂടി ... :) All the best! :)
Post a Comment