ഇനിയൊരു പ്രേത കഥ

പ്രീ ഡിഗ്രി വരെ കണക്കിന് 100 ഇല്‍ 100 മാര്‍ക്ക്‌ വാങ്ങിയിരുന്ന ഞാന്‍ b-tech ഒന്നാം വര്ഷം കണക്കിന് തോറ്റു. കണ്ടു കണ്ടങ്ങിരിക്കും ജനത്തിന്റെ തണ്ടെല്ലോടിക്കുന്നതും ഭവാന്‍ !!! 2001 ഇലെ ഒരു മഴക്കാലം , 3 ആം സെമസ്റ്റര്‍ ഇന്റെ സ്റ്റഡി ലീവ്‌ ആണ് . ആ സമയത്താണ് 1 ആം സെമസ്റ്റര്‍ ഇന്റെ സപ്പ്ളി പരൂക്ഷ . ഒരു വെള്ളിയാഴ്ച ഉച്ച കഴിഞ്ഞു ബൈക്കും എടുത്തു ഹോസ്റ്റല്‍ ഇലേക്കു തിരിച്ചു . പോകുന്ന വഴിയില്‍ തന്നെ ഒരു honey bee പൈന്റും മേടിച്ചു . 4 മണിയോടെ ഹോസ്റ്റല്‍ എന്ന് വിളിക്കുന്ന , 2 നില വീട്ടില്‍ എത്തി . ആരും വന്നിട്ടില്ല , ആരെങ്ങിലും വരുമോ ആവോ . കണക്കു സപ്പ്ളി ഉള്ളവര്‍ കുറവാണ് ! താക്കോല്‍ ഇരിക്കുന്ന സ്ഥലത്തു നിന്നും താക്കോല്‍ എടുത്തു വീട് തുറന്നു . പഴയ ഒരു സിനിമ മംഗളം തപ്പി എടുത്തു വായന തുടങ്ങി . 5 മണിയോടെ സന്ദീപ്‌ എത്തി . ഭാഗ്യം , ഒരു honey bee അവനും മേടിച്ചിട്ടുണ്ട് . പുറത്തു മാരക മഴ . പ്ലാനിംഗ് പെട്ടെന്ന് കഴിഞ്ഞു . 9 മണി വരെ വെള്ളം അടിക്കുക്ക . 9 മുതല്‍ മുട്ടന്‍ പഠിത്തം . മഴ വെള്ളം കുപ്പിയില്‍ ശേഘരിച്ചു അടി തുടങ്ങി . വെട്ടം കണ്ടു വീട്ടില്‍ കയറിയ ഒരു അയല്‍വാസിയും കൂടി ചേര്ന്നു 2 കുപ്പി പെട്ടെന്ന് തീര്ന്നു . മഴയും തീര്ന്നു . പഠിക്കാന്‍ മൂഡും ഇല്ല . പെട്ടെന്ന് പ്ലാന്‍ മാറി . കോട്ടയത്ത്‌ പോയി "ലഗാന്‍" കാണുക . അടുത്ത ദിവസം രാവിലെ മുതല്‍ മുട്ടന്‍ പഠിത്തം . ബൈക്കും എടുത്തു നേരെ കോട്ടയം , പടം കണ്ടു ഇറങ്ങിയപ്പോള്‍ രാത്രി 12:30 . പെരു മഴ നനഞ്ഞു വരുന്ന വഴി തിരുവല്ല യില്‍ നിന്നും തട്ടും അടിച്ച് വീട്ടില്‍ എത്തിയപ്പോള്‍ 2 മണി ആയി . വീട്ടില്‍ കറന്റ് ഉം ഇല്ല . ബൈക്ക് ഒരു വിധത്തില്‍ മുറിക്കുള്ളില്‍ കയറ്റി . ഹെഡ് ല്യ്ട്ടിന്റെ വെളിച്ചത്തില്‍ ഒരു തോര്‍ത്തും , 2 കൈലിയും തപ്പി എടുത്തു . കൈലിയും ഉടുത്തു ഒരു കട്ടിലില്‍ ചുരുണ്ടു കൂടി . ക്ഷീണം കാരണം പെട്ടെന്ന് ഉറങ്ങി

അര മണിക്കൂര്‍ തികച്ചും ഉറങ്ങി ഇല്ല , എന്തോ ഭയങ്കര ശബ്ദം കേട്ടു ഞങ്ങള്‍ 2 പേരും ഞെട്ടി ഉണര്‍ന്നു . ആരോ വാതില്‍ ചവിട്ടി പോളിക്കുന്നതായിട്ടു എനിക്കും , 2 ആം നിലയിലേക്ക് ആരോ സ്പീഡില്‍ ഓടിപോകുന്നതായി അവനും തോന്നി . തള്ളേ കലിപ്പ് , ഇനി വല്ല കള്ളന്മാരും ആണോ !!! 2 നില വീട് ഒക്കെ കണ്ടു , വല്ലതും തടയും എന്ന് കരുതി , പെരുമഴയത്ത് കയറിയ കള്ളന്മാര് വല്ലതും ആണെന്കില്‍ , നിരശബോധം കാരണം ഞങ്ങളെ രണ്ടിനെയും തട്ടും എന്ന് ഉറപ്പാ :-( ഒരു നേരത്തെ റേഷനരി മേടിക്കാന്‍ വകുപ്പുള്ള എന്തെങ്ങിലും ആ വീട്ടില്‍ ഉണ്ടോ എന്ന് ഞങ്ങള്‍ ചിന്തിച്ചു .. ഒന്നുമില്ലാ !! വീണ്ടും അതേ ശബ്ദം കേട്ടു .... കുടിച്ച കള്ളും , കഴിച്ച ദോശയും എല്ലാം ആവിയായി . അപ്പോളാണ് മുറിയില്‍ ബൈക്ക് ഇരിക്കുന്ന കാര്യം ഓര്‍ത്തത് . 44000 രൂപ കൊടുത്തു അച്ഛന്‍ മേടിച്ചു തന്ന hero honda splendor -- ധൈര്യം പെട്ടെന്ന് വീണ്ടു കിട്ടി ... തപ്പി തടഞ്ഞു ബൈക്ക് ഇരുന്ന മുറിയില്‍ പോയി , ബൈക്ക് സ്റ്റാര്‍ട്ട്‌ ചെയ്തു വാതില്‍ ചെക്ക് ചെയ്തു ,,, കതകു അടഞ്ഞു തന്നെ കിടക്കുന്നു !!! ഈ കള്ളന്‍ എങ്ങിനെ അകത്തു കയറി ,,, എന്തായാലും ബൈക്ക് പൂട്ടി താക്കോല്‍ എടുത്തു വീണ്ടും ബെഡ് റൂം ഇല്‍ കയറി കുറ്റിയിട്ടു !!! വീണ്ടും അതേ ശബ്ദം -- അപ്പോള്‍ കള്ളന്മാര് അല്ല്ല ,,, ഇത്രയും ശബ്ദം ഉണ്ടാക്കിക്കൊണ്ട് കള്ളന്മാര്‍ വരില്ലാ --- അപ്പോള്‍ പിന്നെ ? അവന്‍ തന്നെ ! പ്രേതം ! നഷ്ട്ടപ്പെട്ട ധൈര്യം പതുക്കെ വീണ്ടു കിട്ടി ! ടെന്‍ഷന്‍ അടിച്ചിട്ടു കാര്യം ഇല്ല ! കള്ളന്മാര് ആയിരുന്നു എന്കില്‍ എന്ത് പറഞ്ഞു ഒഴിവാക്കണം എന്ന് ചിന്തിക്കാം ആയിരുന്നു , പ്രേതതിനോട് ഒക്കെ എന്ത് പറയാന്‍ ! എന്തായാലും വീട്ടില്‍ ഒരു പ്രേതം ഉള്ളപ്പോള്‍ ഉറങ്ങാന്‍ പറ്റില്ല . വേറെ എവിടെ എങ്കിലും പോകാം എന്ന് വച്ചാല്‍ പുറത്തു മാരക മഴ ! രണ്ടു പേരും ജനല്‍ക്കമ്പിയില്‍ പിടിച്ചു (ഇരുമ്പു പ്രേതത്തിനു പേടിയാ) , പഴയ പ്രേത കഥകള്‍ ഒക്കെ പറഞ്ഞു നേരം വെളുപ്പിക്കാന്‍ തീരുമാനിച്ചു . ഇടയ്ക്കെപ്പോഴോ ഉറങ്ങിയും പോയി .
ഉണര്‍ന്നപ്പോള്‍ 11 മണി ആയി . പുറത്തു പോയി food ഒക്കെ അടിച്ച് പഠിത്തം തുടങ്ങി . ഒരു 4 മണിയായപ്പോള്‍ വീണ്ടും മഴ തുടങ്ങി . അല്പ സമയത്തിന് ശേഷം അതാ വീണ്ടും അതേ ശബ്ദം . പ്രേതങ്ങള്‍ ഒക്കെ പകല്‍ വെളിച്ചത്തിലും ഇറങ്ങി നടക്കാന്‍ തുടങ്ങിയോ . അതും 2 ചെറുപ്പക്കാര്‍ മാത്രം ഉള്ള വീട്ടില്‍ . ഇത്തവണ പ്രേതത്തിനെ അങ്ങനെ വിടാന്‍ പറ്റില്ല .പപ്പടം കുത്തി , കറി കത്തി എന്നീ മാരക ആയുധങ്ങളും എടുത്തു ഞങ്ങള്‍ പ്രേത വേട്ട തുടങ്ങി . ശബ്ദം പുറപ്പെടുവിക്കുന്ന പ്രേതം ഒന്നാം നിലയില്‍ അല്ല എന്ന് മനസ്സിലായി . 2 ആം നിലയിലേക്ക് പതുക്കെ പതുക്കെ കയറി . അല്പ സമയത്തിന് ശേഷം ശബ്ദം രണ്ടാം നിലയില്‍ നിന്നു തന്നെയാ വരുന്നതു എന്ന് മനസ്സിലായി . പേടി കൂടി .. ഇനി ഇപ്പോള്‍ തപ്പാന്‍ terrace മാത്രമെ ഉള്ളു എന്ന സ്റ്റേജ് എത്തി . അവസാനം രണ്ടാം നിലയില്‍ നിന്നു terrace ഇലേക്കു തുറക്കുന്ന വാതില്‍ തുറന്നു നോക്കി ,,, അതാ ഞങ്ങളെ ഒരു രാത്രി മുഴുവന്‍ മുള്‍ മുനയില്‍ നിര്‍ത്തിയ പ്രേതം --- കരഞ്ഞു പോയി --
വീടിനോട്‌ ചേര്ന്നു ഒരു തെങ്ങ് നിന്നിരുന്നു . കാറ്റു അടിക്കുമ്പോള്‍ തെങ്ങ് ആടി വന്നു വീടിനിട്ടു ഇടിക്കും .. അതായിരുന്നു ഞങ്ങള്‍ കേട്ട ശബ്ദം . കുറച്ചു കരിക്ക് കട്ടു ഇട്ടു കുടിച്ചു എന്നല്ലാതെ ഒരു തെറ്റും ആ പ്രേത തെങ്ങിനോട്‌ ഞങ്ങള്‍ ചെയ്തിട്ടുണ്ടായിരുന്നില്ല !
വെള്ളപ്പൊക്കം കാരണം പരീക്ഷ മാറ്റി വച്ചില്ലയിരുന്നു എന്കില്‍ ഒരു തെങ്ങ് കാരണം കണക്കു പരീക്ഷക്ക്‌ തോറ്റ അവാര്‍ഡ് ഞങ്ങള്ക്ക് കിട്ടിയേനെ . കല്‍പ വൃക്ഷം എന്ന പേരു തെങ്ങിനും പോയേനെ !!